نـــــــــــــــداء
حركة 20 فبراير تازة
علاش غادين نخرجوا نتظاهرو نهار الأحد28غشت؟
حيت المدينة مهمشة لا مرافق اجتماعية و رياضية في المستوى لا والو*
حيت تازة تنهبات و لا زالت تستغل دون حسيب و رقيب*
حيث التوظيفات في البلدية تتم بطرق مشبوهة و اولاد البلاد قاتلهم الشوماج*
حيت مكيناش الخدمة، فهاد البلاد كلشي بطالي:اللي عندوا الدبلوم والي ماعندوش*
حيت مكاينش التعويض على البطالة(الشوماج) كيما في الدول الديمقراطية*
حيت ولا السبطار والمدرسة بالفلوس وخا الناس كيخلصوا الضرائب*
حيت باعوا 3500 كلم ديال البحر، اتصالات المغرب، الأراضي*
الفلاحية المزيانة، لعيون ديال الما... اوما تشاوروا مع حتى واحد...أو مازال البيع جاي جاي
حيت الرشوة والمحسوبية بدا من المقدم والشاوش حتا لفوق*
حيت شعلو العافية في الضوء والماء*
حيت ديما كينا الزيادة فالأسعار والخلصة ديما هيا هيا*
حيت بزاف ديال المناضلين مشدودين فلحبسات، لحقاش كيدافعوا باش يكون مغرب زوين*
حيت اللي غوت على حقوا... كيتعصا أكيتقمع*
حيت كينا الحكرة والظلم أمكنقدوش نقولو اللي بغينا*
حيت القضاء ديال اللي عندو الفلوس أباك صاحبي*
بغينا اللي يحكم يتحاسب و ما يفلتش من العقاب*
بغينا دستور ديمقراطي ديال الشعب*
... حيت كنبغيو هد البلاد أباغيين الأجيال الي جاية تعيش بخير*
ملقانا جميع نهار الأحد28غشت 2011على الساعة 10ليلا وذلك بساحة الإستقلال المتواجدة قرب الساتيام.
وحضوركم تعبير عن تطلعاتكم الى التغيير محليا ووطنيا
لاقمع لا إرهاب مايوقف مسيرة الشعب
